كشف الإعلامي خالد الغندور عن مفاجأة مدوية بشأن ملف تجديد عقد أحمد مصطفى زيزو خلال الفترة القادمة لضمان استمراره مع الأبيض.

ويمتد عقد زيزو مع الزمالك حتى يونيو 2025، أي ينتهي بنهاية الموسم الجاري، ويحق له التوقيع لأي نادي يرغب في الانضمام له دون الرجوع للأبيض.

خالد الغندور: والد زيزو عايز ابنه يجدد لمدة سنتين فقط

وقال خالد الغندور في تصريحات تليفزيونية عبر برنامج ستاد المحور: «ممدوح عباس أحد الداعمين ماليًا لعقد زيزو على مدار الفترة الماضية».

وتابع تصريحاته قائلأً: «زيزو عايز مقدم ومنحة تعاقد عند التوقيع مباشرة ووكيل اللاعب الذي هو والده عايزعمولة أيضًا».

وأكمل: «تخيل القصة الى عامله مشكلة وتسببت في إيقاف المفاوضات إيه؟، والد زيزو عايز ابنه يجدد لمدة سنتين فقط، ومن ضمن السنتين كمان السنة الى فضلها شهر ونصف دلوقتي لحد يونيو الجاي».

وواصل: «يعني بالعربي كده كأنه عايز يمضي سنة واحدة بس معاك وياخد فلوس سنة خلصت بالسعر الجديد، ويكون في يناير الجاي حقه يمضي لاي نادي ونخش في نفس الموضوع تاني».

وزاد: «دي مش أول مرة تحصل من والد زيزو تحس إن عقد زيزو بيخلص بسرعة لان والده بيعمل الحركة دي على طول».

وأتم: «ملف زيزو هو اصعب ملف، وبنسبة كبيرة زيزو يتجه إلى الخليج».