في حلقة مليئة بالاسرار، حل الفنان إدوارد ضيفًا على برنامج صاحبة السعادة الذي تقدمه الإعلامية إسعاد يونس، والذي كشف من خلاله عن أصعب فترة في حياته وقت أن أجرى عملية استئصال ورم.

وقال إدوارد: لما عملت عملية استئصال الورم مصطفى قمر كان عايش معايا في المستشفى ومحمد سامي كلمني وقالي أنا ممكن أجبلك طيارة خاصة وتسافر بره ومي عمر بعتت التحاليل لـ أخوها في أمريكا علشان نتأكد من التحاليل ده غير أن السقا ورزق وهاني رمزي وباسم سمرة كلهم كلموني.

وأردف: خدت حقن تخسيس ونزلت 15 كيلو وبعد شوية حصلي مشكلة وفضلت 4 أيام عندي سخونة ومباكلش حاجة والدكتور قالي انت جالك شلل في المعدة وبعد عدة فحوصات الدكتور قالي عندك كانسر ولازم نشيل الكلى الشمال وبعدها جالي جلطة في القلب وعملت 3 دعامات.