شاهد أول فيديو من داخل سنترال رمسيس بعد الحريق.. "المكان رماد والنار أكلت كل حاجة"، كشف الإعلامي أحمد موسى، خلال تقديمه برنامج "على مسئوليتي" المذاع على قناة صدى البلد، عن أول فيديو من داخل سنترال رمسيس بعد الحريق الذي اندلع فيه خلال الساعات الماضية، مؤكدًا أن المشاهد التي ظهرت في الفيديو "صادمة والمكان تحول إلى رماد بالكامل".

وقال موسى: "اللي حصل مش بسيط ومينفعش نطبطب، في خطأ حصل ولازم اللي وراه يتحاسب. فيه ناس تضررت ومتقوليش اللي حوالين السنترال في شارع الجلاء أو رمسيس، الكارثة طالت الكل."

وأضاف: "البنك المركزي اضطر يرفع سقف السحب لـنصف مليون جنيه علشان الناس تقدر تتصرف، من امبارح الفيزا واقفة وماكينات الصرف مش شغالة، والناس مش عارفة تدفع ضرائبها ولا تتعامل في الفنادق والمطاعم والمواصلات، "وأشار إلى أن الشلل ضرب قطاعات حساسة في الدولة، قائلًا:

"المحلات، الأكل والشرب، السكك الحديد، السياحة، كله اتأثر، ومش مقبول إن ده يعدي كده، بس لازم الناس تفهم إن مصر مش هتقف، ومفيش دولة في العالم ما بتحصلش فيها حرائق".

شاهد أول فيديو من داخل سنترال رمسيس بعد الحريق.. "المكان رماد والنار أكلت كل حاجة"

واختتم حديثه: "الناس اللي كانت عايزة مصر تقف على ركابها تقولنا.. إنتوا عايزين إيه؟! الحريق حصل، بس مصر بلد قوية وكبيرة، وهنعدي ده زي ما عدينا غيره".